[海外/外幣簽賬攻略] 抵過唱錢!2024旅遊必備現金回贈信用卡比較 – 高達6.6%回贈

#旅遊信用卡 #旅行信用卡 #旅遊碌卡 #海外信用卡 #旅行唱錢 #歐遊信用卡 #旅行現金回贈信用卡 #外幣現金回贈信用卡 #信用卡外幣手續費 #信用卡海外手續費 #旅行用邊張信用卡 #旅行用現金定信用卡 #旅行用cash定信用卡 #海外簽賬信用卡懶人包

新客經本網申請渣打Smart卡,毋須簽賬額外賺$1,200,連同迎新簽$4,000合共賺$2,400!

新客經本網申請恒生MMPOWER卡,額外送$1,500/AirPods/Switch!就算係舊客都有額外$700!

新舊客經本網申請AE Explorer卡,額外賺$1,000!迎新再賺高達$4,260/71,000里!

新舊客經本網申請信銀Motion卡,額外賺$1,000!連同迎新賺高達$2,000!

新客經本網申請sim Credit,迎新賺高達$1,500!

新客經本網申請AEON WAKUWAKU,迎新賺高達$1,400!

(最後更新:2024年3月)

去旅行,其中一個好多人都有嘅疑問,就係俾錢應該用現金定係信用卡。小編就一向都係信用卡嘅忠實支持者,一半原因係因為帶信用卡安全過大額現金,另一半原因係揀啱信用卡基本上實抵過用cash

如果自問已經熟悉手續費同DCC陷阱等,可以直接碌落去下面個表睇比較。如果未熟嘅話,就可以睇咗下面段教學清清concept先。

手續費

信用卡嘅匯率一般比找換店更貼近現價更抵,而香港大部份嘅Visa/Mastercard信用卡係會向每筆外幣簽賬收取1.95%手續費,American Express就2%,而銀聯信用卡就甚至好多會免手續費。但同時,銀聯嘅匯率通常比Visa/Mastercard差,所以實際差別大概係1.2至1.4%。

普及程度

銀聯信用卡主要都係東亞地區普及啲,但Visa/Mastercard信用卡就除咗大陸之外基本上係世界通行。如果要「一卡走天涯」,Visa/Mastercard係一定贏銀聯。(延伸閱讀:[海外提款攻略] 咪旨意銀聯!歐遊必備Plus/Cirrus提款卡!

動態貨幣交易(DCC)陷阱

喺進入重點前,要先介紹一樣喺外地消費前一定要識嘅概念:動態貨幣交易(DCC)。簡單嚟講,喺外地商戶碌Visa/Mastercard嘅時候,你可以揀用外幣或者港幣做結算交易,而以港幣結算嘅交易就叫做DCC。驟眼睇落,用港幣結算好似幾好;但其實商戶同銀行一般夾埋會向DCC交易收返最少4%嘅手續費所以,外地碌卡嘅時候,一定要以外幣直接結算,千祈唔好墮入DCC陷阱一般嚟講,只要喺俾錢嘅時候同個店員講明以當地貨幣埋單(Pay in USD/EURO/JPY etc.),就可以避免到DCC陷阱。

另外,就算係網上簽賬book機票酒店都好,如果你係喺海外商戶個網到簽港幣,都一樣有可能會中DCC㗎!雖然就唔會收你4%手續費咁狼,但一樣都要俾返0.8%至1%不等嘅手續費,亦可能會無回贈!詳情可以睇返呢篇海外簽賬DCC/CBF手續費陷阱詳解。如果係上網畀外幣去買機票酒店嘅話,滙豐Red卡會係一個好選擇!

旅遊保險

飛之前要買返份旅遊保險保障自己是常識吧!最抵旅遊保險比較可以睇返呢個網站

最抵現金回贈信用卡推介

撇除短期promo,以下小編就同大家分析下用邊張卡碌海外簽賬最抵!

信用卡 年薪要求 海外簽賬
回贈
海外簽賬
手續費
簽賬上限
滙豐VS (賞世界 + Guru第一級) 👑 36萬 6.6% 1.95% 首年$20,000

(下限3個曆月$8,000)

恒生MMPOWER 👑 15萬/學生 6% 1.95% 每月$8,929

(下限$5,000)

中銀Chill Card 👑 15萬/學生 5% 1.95% 每月$3,260
中銀Cheers VI 👑 60萬 4% 1.95% 每月$25,000
東亞World Mastercard👑 4萬 4% 1.95% 每月$11,111
富邦白金 (日韓) 6萬 4% 1.95% 每月$16,000

每年$48,000

AEON WAKUWAKU (日本) 3% 1% 每月結單$10,000
安信EarnMORE 15萬/學生 2% 無手續費 每年$150,000
滙豐VS (賞世界) 36萬 3.6% 1.95% 每年$100,000
中銀Cheers VS 15萬 3.2% 1.95% 每月$18,750
渣打Smart 9.6萬 0.56% 無手續費 無上限
滙豐白金/學生卡 (賞世界) 6萬/學生 2.4% 1.95% 每年$100,000
中銀淘寶卡 15萬 0.4% 無手續費 無上限
滙豐Debit Card 0.4% 無手續費 無上限

如果成日簽海外,簽賬限額唔夠用嘅話,亦可以選擇開多2張唔同嘅信用卡,簽爆完一張再簽下一張!

值得一提,今期中銀做緊個20X狂賞派;雖然玩法有少少複雜要計上下限,但平日可以賺到高達10X分(4%回贈),而紅日更加可以賺到20X分(8%回贈)!

[為確保你賺到經本網成功申請額外獎賞(如有),小編強烈建議大家用Chrome申請(請避免用Safari或者Facebook in-app browser)。請確保你無封鎖tracking跨網站追蹤、無封鎖cookie、無用緊incognito無痕模式、已關閉AdBlock,同埋避免用公司電腦申請。Click入指定連結後,請盡快完成申請,中間避免開其他網站。若有關金融機構未能成功確認客戶為經本網申請、或未符合相關要求,或申請人於獎賞換領表格(如適用)輸入錯誤資料,將不可獲得額外獎賞。 ]

滙豐Visa Signature / 白金卡

cq5dam.web_.880.1000-1

[小編按:滙豐Guru玩法偏複雜要計上下限,如果想簡單啲可以skip去下張卡]

滙豐嘅信用卡有一樣好特別嘅賣點,就係可以自選一個類別嘅簽賬賺多2%回贈。其中,張Visa Signature本身喺五大類別簽賬已經有成1.6%回贈,咁只要自選類別揀埋「賞世界」,海外簽賬就已經有3.6%回贈!扣返1.95%手續費都仲淨賺1.65%回贈!每年上限可以簽$100,000!

滙豐仲另外有個有啲複雜嘅「Travel Guru會員計劃」,簡單嚟講,一經登記就會自動成為第一級「GO級旅人」,只要3個曆月內累積外幣簽賬滿$8,000,期間嘅外幣簽賬就可以解鎖額外3%回贈,連同VS賞世界就係6.6%回贈!扣返1.95%手續費都仲淨賺4.65%回贈!登記首12個月上限可以簽$20,000,但留意一斷欖就要重新儲返$8,000。詳細可以睇返Travel Guru攻略

而家開滙豐VS,只要簽$8,000就可以賺到$800迎新/$200迎舊!詳細可以睇返篇滙豐VS攻略。如果未夠年薪開滙豐VS(年薪$36萬/資產$40萬),都可以開住張白金卡玩住先,自選類別簽賬都有2.4%回贈,仲可以搏佢upgrade!

滙豐Visa Signature卡:立即申請

恒生MMPOWER卡

恒生MMPOWER卡,主打海外簽賬有6%回贈,扣返1.95%手續費仲有4.05%回贈,另外網上簽賬亦有5%回贈留意返呢個回贈係要每月累積簽賬滿$5,000先有。呢張卡每月額外獎賞上限係$500,以只簽海外計即上限簽$8,929/以只簽網上計即上限簽$10,870。

今期恒生MMPOWER卡迎新,只要簽$5,000就可以賺到$700!由2024年3月1日至4月4日6PM,新客經本網以下指定連結成功申請恒生MMPOWER卡,再喺申請後7日內填返電郵內嘅換領表格(留意宣傳/垃圾郵件),同埋簽賬返$1,000,仲額外送$1,500 Apple禮品卡/$1,500惠康禮券/Nintendo Switch OLED(價值$2,680)/Apple AirPods Pro 2(價值$1,849)/Marshall ACTON III藍牙喇叭(價值$2,499)/Delsey Eclipse SE 31”行李箱(價值$4,280)*!連埋信用卡迎新就賺到高達$2,200!就算係舊客都可以賺到高達$1,000迎舊!詳情可以參考恒生MMPOWER卡攻略

恒生MMPOWER卡:立即申請
(申請後7日內要填返電郵換領表格)

中銀Chill Card

中銀Chill Card,攞嚟做小額交易係勁好用!呢張卡主打網上同海外簽賬有5%回贈,扣返海外簽賬1.95%手續費淨賺3.05%回贈!仲有指定商戶10%回贈(包括全港戲院、Netflix、Spotify等)!張卡每月嘅額外回贈上限係$150,如果全部簽晒指定商戶就簽$1,562爆,或者如果全部簽晒網上/海外簽賬就簽$3,260爆。詳情可以參考返呢篇中銀Chill Card攻略

值得一提,今期中銀做緊個20X狂賞派;雖然玩法有少少複雜要計上下限,但平日可以賺到高達10X分(4%回贈),而紅日更加可以賺到20X分(8%回贈)!

中銀Chill Card:立即申請

中銀Cheers Visa Infinite Card

中銀Cheers Visa Infinite Card,主打餐飲及旅遊簽賬優惠,餐飲及海外簽賬可享10X積分,相等於4%現金回贈或$1.5/里,扣返海外簽賬1.95%手續費淨賺2.05%回贈!每月上限簽$25,000賺25萬分。如果係低一級嘅Visa Signature卡,就可享8X積分,相等於3.2%回贈或$1.9/里,每月上限簽$18,750賺18萬分。留意返呢張卡雖然首年免年費,但第二年就未知免唔免到,官方寫法就要持有「中銀理財」或以上戶口先可獲持續豁免。詳情可以參考返呢篇中銀Cheer VI Card攻略

值得一提,今期中銀做緊個20X狂賞派;雖然玩法有少少複雜要計上下限,但平日可以賺到高達10X分(4%回贈),而紅日更加可以賺到20X分(8%回贈)!

中銀Cheers Visa Infinite:立即申請

東亞World Mastercard

啱啱改咗制嘅東亞World Mastercard,主打食肆及海外簽賬有4%回贈,扣返1.95%手續費仲淨賺約2.05%回贈!張卡每月嘅額外回贈上限係10萬分,如果全部簽晒海外簽賬即係上限簽$11,111。留意返呢張卡海外簽賬唔計歐洲實體簽賬。詳情可以參考返東亞World Mastercard攻略

東亞World Mastercard:立即申請

富邦白金卡

富邦白金卡,主打新台幣簽賬有20X分相等於8%回贈,或者日元/韓元簽賬有10X分相等於4%回贈!扣返1.95%手續費分別係6.05%/2.05%回贈!如果以只係簽新台幣計,上限每月簽$5,333/每年簽$16,000;如果以只係簽日韓計,就上限每月簽$16,000/每年簽$48,000。

富邦白金卡:立即申請

AEON CARD WAKUWAKU

AEON CARD WAKUWAKU,日本簽賬有成3%回贈,而海外簽賬手續費只係1%,扣返淨賺2%回贈!每個月上限可以簽成$10,000!

由2024年3月1日至4月2日6PM,新客經本網申請AEON CARD WAKUWAKU,迎新連同額外獎賞仲可以賺到高達$1,400!詳情可以睇返AEON WAKUWAKU卡攻略

AEON WAKUWAKU卡:立即申請
(邀請碼:MHWAKU)
(申請後7日內要填返電郵換領表格)

安信EarnMORE銀聯

primecreditearnmoreunion

呢張安信EarnMORE銀聯卡,海外簽賬無手續費,可以淨賺2%現金回贈!但留意返2%回贈只限每年頭$200,000簽賬,打後嘅簽賬就只有1%回贈(但都仲係好抵)。不過銀聯卡主要係日韓台先多鋪頭收,去歐美就無咩用。

EarnMORE今期迎新,全新安信信用卡客戶只要批卡後90日內簽$8,500就可以賺到$500回贈/空氣淨化風扇,或者簽$9,800可以賺到OTO;而學生就簽$2,000回$200!由2024年3月1日至4月2日,新客經本網以下指定連結申請安信EarnMORE銀聯卡其後成功獲批,再喺申請後7日內填返電郵內嘅換領表格(留意宣傳/垃圾郵件),仲毋須簽賬送$200現金回贈+$400 Apple禮品卡/惠康禮券*!夾埋張卡本身2%回贈就賺到成$1,270!呢張卡嘅迎新仲要係連用O!ePay玩八達通自動增值都計(留意自動增值基本回贈係1%),所以零成本就可以簽得完!詳情可以睇返安信EarnMORE卡攻略

安信EarnMORE銀聯卡:立即申請
(申請後7日內要填返電郵換領表格)

渣打Smart卡

呢張渣打Smart卡,係市面上極少數外幣簽賬無手續費嘅Visa卡!可以淨賺約0.56%現金回贈!如果去歐美國家旅行又唔想計簽賬額上下限,用呢張卡就最簡單最fit!

渣打Smart卡今期迎新,全新渣打信用卡客戶喺批卡後1個月碌滿$4,000,就有$1,500現金回贈!

由2024年3月1日至4月1日,新客經本網以下指定連結申請渣打Smart卡其後成功獲批,再喺申請後7日內填返電郵內嘅換領表格(留意宣傳/垃圾郵件),同埋獲批後7日內提交批卡截圖,毋須簽賬送$1,200 Apple禮品卡/惠康禮券/Deliveroo禮券/Trip.com禮券*!夾埋即係簽$4,000就賺到$2,400!詳情可以參考渣打Smart卡攻略

渣打Smart立即申請
(申請後7日內要填返電郵換領表格)

中銀淘寶卡

呢張中銀淘寶卡,係市面上極少數外幣簽賬無手續費嘅Mastercard!可以淨賺信用卡積分,相等於0.4%回贈!如果去歐美國家旅行又唔想計簽賬額上下限,用呢張卡就夠晒簡單!詳情可以參考中銀淘寶卡攻略

中銀淘寶World萬事達卡:立即申請

滙豐Debit Card卡

呢張滙豐Debit Card,只要有滙豐戶口就開得!仲要亦支援成12種貨幣,只要你銀行戶口入面有相應外幣佢就會識自動扣,就算無嘅話都會自動轉用港紙結算,無任何外幣手續費!呢張卡基本回贈係0.4%,如果係學生嘅話不妨可以考慮用呢張卡。詳情可以參考滙豐Debit Card攻略

借定唔借?還得到先好借!

唔想錯過信用卡回贈優惠?即刻Follow我哋FB PageIG!最緊要加入埋WhatsApp Channel!仲可以訂閱電子報呀!

本網站所載資料只供參考,有關產品詳情請以金融機構所提供的資訊及/或有關連結內的內容為準。

分享

163 則留言

  1. 過幾日去台灣, 有以下信用卡:HSBC VS (無參加賞世界), 中銀 VISA INFINITE (即係等同 CHEERS卡嗎?), 聯聯雙幣卡, SMART;
    請問用邊張簽賬最化算呢?

  2. 黎緊會去歐洲旅行,請問邊張抵用D?

    滙豐Visa Signature / 白金卡 – [只要3個曆月內累積外幣簽賬滿$8,000,期間嘅外幣簽賬就可以解鎖額外3%回贈,連同VS賞世界就係6.6%回贈!扣返1.95%手續費都仲淨賺4.65%回贈!登記首12個月上限可以簽$20,000。] 唔係好明, 額外3%上限簽賑$20000, 之後就變番3.6%?

    恒生MMPOWER卡 – [只簽海外計即上限簽$8,929, 每月額外獎賞上限係$500,] 即係碌爆左額外獎賞, 假設我海外碌$10000/$20000 仲有冇6%回贈?

    Thank you

      • 唔係WO~
        >>呢張卡每月額外獎賞上限係$500,以只簽海外計即上限簽$8,929/以只簽網上計即上限簽$10,870。

        額外quota上限$500, 咁之後過左quota唔係應該變番6%?

        >>呢個回贈係要每月累積簽賬滿$5,000先有。

        冇理由叫人碌過$5000, 但又不多於$8929~?

        咁如果唔係6% 咁海外簽帳係回贈幾多~?
        Thank you!

  3. 網上外幣簽帳同埋去歐洲旅行應該用以下邊張卡好d?

    hsbc red
    SC smart
    Citi clear
    Citi debit
    Mox
    中銀platinum 銀聯
    恒生platinum visa

  4. 想問問中銀chill 外幣簽5%
    1)回贈係回係積分度,定直接下個月比我?
    2)5%係味唔洗個個月簽夠幾多,都會比?

  5. 小編你好,想問去日本簽卡的話,
    匯豐debit card
    中銀淘寶卡
    中銀大灣區鑽卡
    三張係咪都冇分別,有冇話邊張匯率會好啲?
    諗住如果高啲回贈啲卡簽夠,到時用呢三張免手續費就算
    Thanks!

  6. 小編你好,
    想請教一下🙏🏻 而家MMpower要簽夠$5000先有6%回贈係指簽外幣要$5000還是本地加海外簽夠就OK?
    另外,呢個月尾會去日本。
    請問MMpower/ Aeon 銀聯/ Aeon JCB呢3張用邊張著數啲?
    謝謝🙏🏻

  7. 想問我想網上買機票和訂酒店,見 hkexpress用日圓找數平過港圓,但我得
    中銀淘寶信用卡
    中銀雙幣白金卡
    交通銀行雙幣鑽石卡
    想問邊張可賺盡回贈?現在中銀紅日簽賬有20x獎賞
    交通銀行簽賬$5000以上回贈$180,邊張著數d?

  8. hello,睇完個表,依然有少少問題想咨詢。
    手上已經有MMPOWER(打算登記海外簽賬),匯豐學生VISA,中銀淘寶,中銀VS。考慮到會去歐洲、日本、台灣旅行(過程會涉及到網上book機票酒店,當地消費),有無必要再申請一張Chill或者其他,可以兼顧cover到手續費同多啲回贈?希望聽聽你嘅意見。
    Thanks!

    • 你係學生?中銀VS指邊張?都係要預返每個月最多使幾多錢,睇返本身啲quota夠唔夠使再決定;但袋多張Chill Card都無壞,反正網上同海外5%都啱使。

  9. 請問網上買北海道機票同訂酒店, 用滙豐red card 定恒生 mmpower card 抵? mmpower揀左手機支付同海外旅遊 5.4%, red card網上簽賬4%, 超過$12,000有額外3%? Thx for your advice.

  10. 我想問如果有賞世界嘅話,應該用邊張卡抵啲啊,匯豐 VS、red card 、pulse 銀聯雙幣鑽石卡?去嘅地方係台灣、日本、歐洲嗰啲。唔該晒。🙏🏻

  11. 12月去日本。下次面四張,係咪應該用everymile, 過萬五之後用cash back?

    Hsbc visa 冇揀賞世界
    Every mile
    Red
    Citi bank cash back

  12. 我想問我有匯豐VS,red card , pulse 銀聯雙幣鑽石卡,但係冇賞世界,嚟緊個禮拜去日本,用邊張信用卡抵啲啊?唔該晒。

  13. 12月去日本,我有HSBC VS賞世界同earn more,不過兩張都用哂額,請問最優惠跟住係咪MMpower? 儲里數定rebate都無所謂,想知邊左抵用啲? thank you

  14. 有以下信用卡:HSBC VS, Red Card, Debit Card;中銀 chill card, 聯聯雙幣白金卡;
    VS冇賞世界,請問去韓國應該用邊張卡?

  15. 想問下如果黎緊去日本, 手頭上有張中銀淘寶卡, 係當地碌卡係咪唔收手續費?
    如果申請張wakuwaku會唔會抵d?
    唔該曬!!!

  16. 請問一下,若用alipay hk 或wechat pay(hk)到大陸國內消費,都係睇呢張?
    定有其它信用卡推介?

  17. 中銀最新嘅 Cheers Infinite 每月上限 $25,000 有 4% 都可以上榜?
    特別係碌夠 $8000 仲有 10X 狂賞派 =D

  18. 我本已有:
    中銀 chill card, Good day Visa , 大灣區銀聯雙幣鑽石卡
    AE Explorer, SCB 國泰 master card ,大新business card
    想請問每月飲食約2-3千,一般付8 達通多,alipay / wechat pay hk 內地都有用,最近都去內地比較多,應連結邊張卡好一點?
    依家里數唔抵玩,想轉玩cash rebate , 以上卡,應該如何組合?還要補那些卡?
    另外,9 月尾會去出差越南泰國,新加坡, 咁在海外用邊張卡好?

  19. 請問我要agoda訂韓國酒店, 佢最後應該係用韓幣結算。我手頭有mmpower ,red card ,citiback等等信用卡,請問邊張簽賬會好d? 係咪每張都會收1.95%手續費? 回贈係咪mmpower5.6%? Red card 4% Citi cash back 2? Thankyou

      • 多謝你回覆,請問如果韓國旅行揀返韓幣結算,用 redcard 或mmpower 就可以拎4%或5.5%? 無迎新情況下,每單唔夠500有無影響?唔計最紅折和mmpower額外fun+情況下都會有4%和5.5%? 謝謝你

        • 承上面話題打漏左,多謝你回覆,請問如果韓國旅行揀返韓幣結算,用 redcard 或mmpower 就可以拎4%或5.5%? 無迎新情況下,每單唔夠500有無影響?唔計最紅折和mmpower額外fun+情況下都會有4%和5.5%? 以上係韓國當地買嘢的話,因為我見red外國結算得1%?網上先有4%?謝謝你

        • 而家實測過MMPOWER中CBF都無問題。如果用red card同mmpower,唔諗住食夏日promo嘅話就揀港幣,慳返1.95%手續費兼照食4% / 5% 回贈,唔使滿$500,最好揀返即畀錢唔好揀到時先畀。

  20. Hi,
    嚟緊幾個月分別會去中美,同歐洲,簽帳大約(或少過)幾千蚊一個月。請問邊兩間銀行信用卡比較適合?
    Thanks!

  21. Hellooo,
    黎緊會去旅行, 但係唔會買好多野未必簽到VS某啲獎賞嘅簽賬下限, 平時都少去旅行, 除左MMPOWER外, 應該申請邊張卡好?唔介意申請幾張卡, Thanks

  22. 你好!我本身有WAKUWAKU,下個月準備去韓國旅行,本身都有興趣準備6月頭申請chill card。如果到得切的話邊張會比較好?

  23. 你好, 想請教一下, 如果長期移居加拿大, 但想保留使用香港信用卡, 每個月大約會簽賬2至4萬港幣, 應該申請邊張信用卡先至最抵? 定係要申請多張? 唔該曬呀

  24. hello想問下嚟緊6月去台灣,有vs(有賞世界但最紅海外簽賬獎賞quota已爆),定係應該申請BOC chill/SC smart咭?應該簽咭點都抵過過去用現金係咪?謝謝

  25. 請問如果去波蘭, 我有呢幾張卡: HSBC Visa Signature (無賞世界), HSBC Debit Card, HSBC Red Card, 是否用HSBC Debit Card唱定D歐元喺外幣戶口, 到時碌卡時就自動扣歐元轉用波幣找數抵玩啲? 是否零手續費? 謝謝

    • HSBC Debit唔支援波幣,一樣扣港紙。你呢個case要自己計數,HSBC VS無賞世界但簽到最紅海外個上限都有高達4.6%回贈 – 1.95%手續費

      • 謝謝小編回覆, 那想請問如果波蘭商店可以收歐元, 咁應該用HSBC Visa Signature (無賞世界)又果期應該唔夠到最紅海外個入門$5000, 是否用HSBC Debit Card(唱定D歐元喺外幣戶口)好D? 而HSBC Debit Card是冇手續費要收嗎? 謝謝.

  26. 去韓國旅行,有匯豐Visa Signature,匯豐銀聯雙幤鑽石卡,同渣打Smart卡,計埋回贈,用邊張好啲?

  27. 來緊去日本旅行, 我有中銀chill & 淘寶咭, HSBC 白金visa (但無賞世界), 渣打cathy咭, 支付大額簽帳, 邊張會抵D ?

  28. Hello! 請問如果我嚟緊會去澳洲簽大額嘅賬項,我本身已經有安信,係咪應該申請hsbc VS賞世界+citi cash back? Thank you!!!

  29. 請問
    中銀 sogo卡 海外外幣apple pay 都有5.4%?
    中銀 大灣卡 海外外幣 雲閃 都有4.4%?

    另外 chill卡 海外實體卡都有5%?

  30. 想問有關滙豐VS (賞世界) & 滙豐白金 (賞世界) 最紅自主簽賬上限是10萬
    如果同一持卡人持有兩款卡 是各10萬 即兩張可簽共20萬
    還是同一持卡人只有兩款卡共10萬
    謝謝

  31. Hello~ 想問吓去韓國,用邊張卡最抵?
    渣打smart card,AE blue cash,HSBC白金,Mox,BEA,wakuwaku

    Thank you 🙏🏻

  32. 請問如果去芬蘭交流,中銀Chill Card,匯豐學生金卡,同埋恆生MPower應該揀邊張?(入息唔夠申請渣打SMART)最好可以一卡通行,係香港都會繼續用~

  33. hi 想問一問
    黎緊去台灣想賺現金回贈, 預計簽賬大約HKD2-3000, 我有下面D卡:
    hsbc VS, Premier &Pulse (全部賞滋味),
    BOC chill
    Citic motion
    citi cash back, reward
    SC smart, simply cash, CX
    DBS black & AE

    應該用邊張最好, 或者有邊張更好, 我有時間去申請

  34. 你好小編,我有HSBC visa signature (賞世界)同埋 CITI debit card global wallet, 請問外遊用邊一張會抵啲?

  35. 我有呢幾張卡: Citi Premier Miles, HSBC Visa Signature (無賞世界), Citi Debit Card, HSBC Debit Card. 喺外國俾錢由最抵到最唔抵應該點排? Thanks!

  36. 想問學生去外地交流(韓國同德國),銀聯、visa、mastercard各推薦用邊張抵啲?謝謝🙏🏻🙏🏻

  37. Hi 想請問如果純粹作網上消費嘅海外交易(例如Spotify, Netflix, Apple – App Store), 應該用邊一張比較好?

    我主要用中銀信用卡,之前一直都係用Infinite 或者 I-card黎找以上平台簽帳。
    最近申請左中銀淘寶mastercard(主打海外簽帳零手續費),但剛剛睇事手你另一篇文章介紹,其實用中銀淘寶卡做海外網上交易,並唔係特別優惠。

    所以想問下,如果中銀信用卡 你會推薦邊一張作海外網上交易簽帳比較好?
    Many thanks!

  38. 如果去台灣或韓國旅行呢?最後結算的港幣簽帳是否是台幣轉換成美元,美元再轉換成港幣?這樣手續費是否超過1.95%?

      • 想問你講中銀淘寶咭,外幣簽賬唔收手續費,即係唔收1.95%
        係網上簽賬和去外地簽賬都冇任何手續費?
        另外想問用中銀白金銀聯信用咭,在香港網上訂外地酒店係要選當地貨幣結算?
        舉個例:在 agoda訂日本酒店, hkexpress訂日本回港機票,係唔係都選日元找數?

        • 淘寶卡無外幣手續費。銀聯無分CBF,應該揀港幣抵啲。但其實你睇返上面篇文個表就知高回贈嗰幾張都卡都唔係銀聯。

留言(你的電郵不會被公開)

發佈留言必須填寫的電子郵件地址不會公開。 必填欄位標示為 *