#旅遊信用卡 #旅行信用卡 #旅遊碌卡 #海外信用卡 #旅行唱錢 #歐遊信用卡 #旅行現金回贈信用卡 #外幣現金回贈信用卡 #信用卡外幣手續費 #信用卡海外手續費 #旅行用邊張信用卡 #旅行用現金定信用卡 #旅行用cash定信用卡 #海外簽賬信用卡懶人包
新客經本網申請渣打Smart卡，毋須簽賬額外賺$1,200，連同迎新簽$4,000合共賺$2,400！
新客經本網申請恒生MMPOWER卡，額外送$1,000／Switch！就算係舊客都有額外$700！
新客經本網申請安信WeWa卡，迎新賺高達$1,134！就算係舊客都賺到$400！
新客經本網申請sim Credit，迎新賺高達$1,500！
新客經本網申請AEON WAKUWAKU，迎新賺高達$1,400！
（最後更新：2024年4月）
去旅行，其中一個好多人都有嘅疑問，就係俾錢應該用現金定係信用卡。小編就一向都係信用卡嘅忠實支持者，一半原因係因為帶信用卡安全過大額現金，另一半原因係揀啱信用卡基本上實抵過用cash。
如果自問已經熟悉手續費同DCC陷阱等，可以直接碌落去下面個表睇比較。如果未熟嘅話，就可以睇咗下面段教學清清concept先。
手續費
信用卡嘅匯率一般比找換店更貼近現價更抵，而香港大部份嘅Visa/Mastercard信用卡係會向每筆外幣簽賬收取1.95%手續費，American Express就2%，而銀聯信用卡就甚至好多會免手續費。但同時，銀聯嘅匯率通常比Visa/Mastercard差，所以實際差別大概係1.2至1.4%。
普及程度
銀聯信用卡主要都係東亞地區普及啲，但Visa/Mastercard信用卡就除咗大陸之外基本上係世界通行。如果要「一卡走天涯」，Visa/Mastercard係一定贏銀聯。（延伸閱讀：[海外提款攻略] 咪旨意銀聯！歐遊必備Plus/Cirrus提款卡！）
動態貨幣交易（DCC）陷阱
喺進入重點前，要先介紹一樣喺外地消費前一定要識嘅概念：動態貨幣交易（DCC）。簡單嚟講，喺外地商戶碌Visa/Mastercard嘅時候，你可以揀用外幣或者港幣做結算交易，而以港幣結算嘅交易就叫做DCC。驟眼睇落，用港幣結算好似幾好；但其實商戶同銀行一般夾埋會向DCC交易收返最少4%嘅手續費！所以，喺外地碌卡嘅時候，一定要以外幣直接結算，千祈唔好墮入DCC陷阱！一般嚟講，只要喺俾錢嘅時候同個店員講明以當地貨幣埋單（Pay in USD/EURO/JPY etc.），就可以避免到DCC陷阱。
另外，就算係網上簽賬book機票酒店都好，如果你係喺海外商戶個網到簽港幣，都一樣有可能會中DCC㗎！雖然就唔會收你4%手續費咁狼，但一樣都要俾返0.8%至1%不等嘅手續費，亦可能會無回贈！詳情可以睇返呢篇海外簽賬DCC/CBF手續費陷阱詳解。如果係上網畀外幣去買機票酒店嘅話，滙豐Red卡會係一個好選擇！
旅遊保險
飛之前要買返份旅遊保險保障自己是常識吧！最抵旅遊保險比較可以睇返呢個網站。
最抵現金回贈信用卡推介
撇除短期promo，以下小編就同大家分析下用邊張卡碌海外簽賬最抵！
| 信用卡 | 年薪要求 | 海外簽賬 回贈 |
海外簽賬 手續費 |
簽賬上限 |
| 富邦白金 (台灣) 👑 | 6萬 | 8% | 1.95% | 每月$5,333
每年$16,000 |
| 恒生Travel+ VS (日韓泰星澳) 👑 | 15萬 | 7% |
1.95% | 每月$7,576
(下限$6,000) |
| 滙豐VS (賞世界 + Guru Lv.1) 👑 | 24萬 | 6.6% | 1.95% | 首年$20,000
(下限3個曆月$8,000) |
| 恒生MMPOWER 👑 | 15萬/學生 | 6% | 1.95% | 每月$8,929
(下限$5,000) |
| 滙豐EveryMile (Guru Lv.1) | 24萬 | 5.5% | 1.95% | 每季$15,000 首年$20,000 (下限每季$8,000) |
| 恒生Travel+ VS (其他外幣) | 15萬 | 5% | 1.95% | 每月$10,870
(下限$6,000) |
| 中銀Chill Card | 15萬/學生 | 5% | 1.95% | 每月$3,260 |
| 中銀Cheers VI | 60萬 | 4% | 1.95% | 每月$25,000 |
| 東亞World Mastercard | 4萬 | 4% | 1.95% | 每月$11,111 |
| 富邦白金 (日韓) | 6萬 | 4% | 1.95% | 每月$16,000
每年$48,000 |
| AEON WAKUWAKU (日本) | – | 3% | 1% | 每月結單$10,000 |
| 安信EarnMORE | 15萬/學生 | 2% | 無手續費 | 每年$150,000 |
| 滙豐VS (賞世界) | 24萬 | 3.6% | 1.95% | 每年$100,000 |
| 中銀Cheers VS | 15萬 | 3.2% | 1.95% | 每月$18,750 |
| 渣打Smart | 9.6萬 | 0.56% | 無手續費 | 無上限 |
| 滙豐白金/學生卡 (賞世界) | 12萬/學生 | 2.4% | 1.95% | 每年$100,000 |
| 中銀淘寶卡 | 15萬 | 0.4% | 無手續費 | 無上限 |
| 滙豐Debit Card | – | 0.4% | 無手續費 | 無上限 |
如果成日簽海外，簽賬限額唔夠用嘅話，亦可以選擇開多2張唔同嘅信用卡，簽爆完一張再簽下一張！
留意返，上面個表有啲卡拆咗兩行寫，但其實上限係要一齊計，好似滙豐同恒生咁，所以詳細要click返入信用卡攻略去睇。
值得一提，今期中銀做緊個20X狂賞派；雖然玩法有少少複雜要計上下限，但平日可以賺到高達10X分（4%回贈），而紅日更加可以賺到20X分（8%回贈）！
[為確保你賺到經本網成功申請額外獎賞（如有），小編強烈建議大家用Chrome申請（請避免用Safari或者Facebook in-app browser）。請確保你無封鎖tracking跨網站追蹤、無封鎖cookie、無用緊incognito無痕模式、已關閉AdBlock，同埋避免用公司電腦申請。Click入指定連結後，請盡快完成申請，中間避免開其他網站。若有關金融機構未能成功確認客戶為經本網申請、或未符合相關要求，或申請人於獎賞換領表格（如適用）輸入錯誤資料，將不可獲得額外獎賞。 ]
富邦白金卡
富邦白金卡，主打新台幣簽賬有20X分相等於8%回贈，或者日本、韓國簽賬有10X分相等於4%回贈！扣返1.95%手續費分別係6.05%／2.05%回贈！如果以只係簽新台幣計，上限每月簽$5,333／每年簽$16,000；如果以只係簽日韓計，就上限每月簽$16,000／每年簽$48,000。
富邦白金卡：立即申請
恒生Travel+ Visa Signature
恒生新出嘅Travel+ Visa Signature卡，主打日本、韓國、泰國、新加坡、澳洲外幣簽賬有高達7%回贈，而其他外幣簽賬、本地餐飲、本地交通簽賬亦有高達5%回贈。留意返呢個回贈係要每月累積簽賬滿$6,000先有，同埋餐飲簽賬係唔計快餐。呢張卡每月額外獎賞上限係$500，以只簽7%類別計即上限簽$7,576／以只簽5%類別計即上限簽$10,870。
如果本身未有恒生信用卡，小編會建議開咗MMPOWER卡食額外獎賞先，然後等批咗卡再自己開返呢張卡。
恒生Travel+ VS卡：立即申請
滙豐Visa Signature / 白金卡
[小編按：滙豐Guru玩法偏複雜要計上下限，如果想簡單啲可以skip去下張卡]
滙豐嘅信用卡有一樣好特別嘅賣點，就係可以自選一個類別嘅簽賬賺多2%回贈。其中，張Visa Signature本身喺五大類別簽賬已經有成1.6%回贈，咁只要自選類別揀埋「賞世界」，海外簽賬就已經有3.6%回贈！扣返1.95%手續費都仲淨賺1.65%回贈！每年上限可以簽$100,000！
滙豐仲另外有個有啲複雜嘅「Travel Guru會員計劃」，簡單嚟講，一經登記就會自動成為第一級「GO級旅人」，只要3個曆月內累積外幣簽賬滿$8,000，期間嘅外幣簽賬就可以解鎖額外3%回贈，連同VS賞世界就係6.6%回贈！扣返1.95%手續費都仲淨賺4.65%回贈！登記首12個月上限可以簽$20,000，但留意一斷欖就要重新儲返$8,000。詳細可以睇返Travel Guru攻略。[2024年4月更新：滙豐Guru已暫停新登記]
而家開滙豐VS，只要簽$8,000就可以賺到$800迎新／$200迎舊！詳細可以睇返篇滙豐VS攻略。如果未夠年薪開滙豐VS（$24萬），都可以開住張白金卡玩住先，自選類別簽賬都有2.4%回贈，仲可以搏佢upgrade！
滙豐Visa Signature卡：立即申請
恒生MMPOWER卡
恒生MMPOWER卡，主打海外簽賬有6%回贈，扣返1.95%手續費仲有4.05%回贈，另外網上簽賬亦有5%回贈。留意返呢個回贈係要每月累積簽賬滿$5,000先有。呢張卡每月額外獎賞上限係$500，以只簽海外計即上限簽$8,929／以只簽網上計即上限簽$10,870。
今期恒生MMPOWER卡迎新，只要簽$5,000就可以賺到$700！由2024年4月6日至4月15日6PM，新客經本網以下指定連結成功申請恒生MMPOWER卡，再喺申請後7日內填返電郵內嘅換領表格（留意宣傳/垃圾郵件），同埋簽賬返$600，仲額外送$1,000 Apple禮品卡／$1,000惠康禮券／Nintendo Switch OLED（價值$2,680）／PHILIPS ADD6901/90 RO純淨飲水機（價值$1,998）／Delsey Eclipse SE 31”行李箱（價值$4,280）*！連埋信用卡迎新就賺到高達$1,700！就算係舊客都可以賺到高達$1,000迎舊！詳情可以參考恒生MMPOWER卡攻略。
恒生MMPOWER卡：立即申請
（申請後7日內要填返電郵換領表格）
滙豐EveryMile
[小編按：滙豐Guru玩法偏複雜要計上下限，如果想簡單啲可以skip去下張卡]
滙豐EveryMile雖然無「賞世界」，但就有個「滙豐EveryMile專享海外簽賬優惠」，只要每季簽滿$8,000海外簽賬嘅下限，就可享2.5%回贈，上限每季簽$15,000。如果本身無VS卡，或者VS無揀賞世界，就可以轉玩呢個promo。
滙豐仲另外有個有啲複雜嘅「Travel Guru會員計劃」，簡單嚟講，一經登記就會自動成為第一級「GO級旅人」，只要3個曆月內累積外幣簽賬滿$8,000，期間嘅外幣簽賬就可以解鎖額外3%回贈，連同EveryMile專享海外回贈就係5.5%回贈！扣返1.95%手續費都仲淨賺3.55%回贈！登記首12個月上限可以簽$20,000，但留意一斷欖就要重新儲返$8,000。詳細可以睇返Travel Guru攻略。[2024年4月更新：滙豐Guru已暫停新登記]
而家開滙豐EveryMile，只要簽$8,000就可以賺到$800迎新／$200迎舊！詳細可以睇返篇滙豐EveryMile攻略。
滙豐EveryMile卡：立即申請
中銀Chill Card
中銀Chill Card，攞嚟做小額交易係勁好用！呢張卡主打網上同海外簽賬有5%回贈，扣返海外簽賬1.95%手續費淨賺3.05%回贈！仲有指定商戶10%回贈（包括全港戲院、Netflix、Spotify等）！張卡每月嘅額外回贈上限係$150，如果全部簽晒指定商戶就簽$1,562爆，或者如果全部簽晒網上／海外簽賬就簽$3,260爆。詳情可以參考返呢篇中銀Chill Card攻略。
值得一提，今期中銀做緊個20X狂賞派；雖然玩法有少少複雜要計上下限，但平日可以賺到高達10X分（4%回贈），而紅日更加可以賺到20X分（8%回贈）！
中銀Chill Card：立即申請
中銀Cheers Visa Infinite Card
中銀Cheers Visa Infinite Card，主打餐飲及旅遊簽賬優惠，餐飲及海外簽賬可享10X積分，相等於4%現金回贈或$1.5/里，扣返海外簽賬1.95%手續費淨賺2.05%回贈！每月上限簽$25,000賺25萬分。如果係低一級嘅Visa Signature卡，就可享8X積分，相等於3.2%回贈或$1.9/里，每月上限簽$18,750賺18萬分。留意返呢張卡雖然首年免年費，但第二年就未知免唔免到，官方寫法就要持有「中銀理財」或以上戶口先可獲持續豁免。詳情可以參考返呢篇中銀Cheer VI Card攻略。
值得一提，今期中銀做緊個20X狂賞派；雖然玩法有少少複雜要計上下限，但平日可以賺到高達10X分（4%回贈），而紅日更加可以賺到20X分（8%回贈）！
中銀Cheers Visa Infinite：立即申請
東亞World Mastercard
啱啱改咗制嘅東亞World Mastercard，主打食肆及海外簽賬有4%回贈，扣返1.95%手續費仲淨賺約2.05%回贈！張卡每月嘅額外回贈上限係10萬分，如果全部簽晒海外簽賬即係上限簽$11,111。留意返呢張卡海外簽賬唔計歐洲實體簽賬。詳情可以參考返東亞World Mastercard攻略。
東亞World Mastercard：立即申請
AEON CARD WAKUWAKU
AEON CARD WAKUWAKU，日本簽賬有成3%回贈，而海外簽賬手續費只係1%，扣返淨賺2%回贈！每個月上限可以簽成$10,000！
由2024年4月1日至4月30日6PM，新客經本網申請AEON CARD WAKUWAKU，迎新連同額外獎賞仲可以賺到高達$1,400！詳情可以睇返AEON WAKUWAKU卡攻略。
AEON WAKUWAKU卡：立即申請
（邀請碼：MHWAKU）
（申請後7日內要填返電郵換領表格）
安信EarnMORE銀聯
呢張安信EarnMORE銀聯卡，海外簽賬無手續費，可以淨賺2%現金回贈！但留意返2%回贈只限每年頭$200,000簽賬，打後嘅簽賬就只有1%回贈（但都仲係好抵）。不過銀聯卡主要係日韓台先多鋪頭收，去歐美就無咩用。
EarnMORE銀聯卡今期迎新，全新安信信用卡客戶只要批卡後90日內簽$8,500就可以賺到$500回贈／空氣淨化風扇，或者簽$9,800可以賺到OTO；而學生就簽$2,000回$200！由2024年4月3日至4月30日6PM，新客經本網以下指定連結申請安信EarnMORE銀聯卡其後成功獲批，再喺申請後7日內填返電郵內嘅換領表格（留意宣傳/垃圾郵件），仲毋須簽賬送$200現金回贈+$400 Apple禮品卡／惠康禮券*！夾埋張卡本身2%回贈就賺到成$1,270！或者就算係舊客，雖然無安信迎新，但毋須簽賬都送返$400 Apple禮品卡／惠康禮券！呢張卡嘅迎新仲要係連用O!ePay玩八達通自動增值都計（留意自動增值基本回贈係1%），所以零成本就可以簽得完！詳情可以睇返安信EarnMORE卡攻略。
安信EarnMORE銀聯卡：立即申請
（申請後7日內要填返電郵換領表格）
渣打Smart卡
呢張渣打Smart卡，係市面上極少數外幣簽賬無手續費嘅Visa卡！可以淨賺約0.56%現金回贈！如果去歐美國家旅行又唔想計簽賬額上下限，用呢張卡就最簡單最fit！
渣打Smart卡今期迎新，全新渣打信用卡客戶喺批卡後1個月碌滿$4,000，就有$1,200現金回贈！
由2024年4月1日至4月30日6PM，新客經本網以下指定連結申請渣打Smart卡其後成功獲批，再喺申請後7日內填返電郵內嘅換領表格（留意宣傳/垃圾郵件），同埋獲批後7日內提交批卡截圖，毋須簽賬送$1,200 Apple禮品卡／惠康禮券／Trip.com禮券*！夾埋即係簽$4,000就賺到$2,400！詳情可以參考渣打Smart卡攻略。
渣打Smart卡：立即申請
（申請後7日內要填返電郵換領表格）
中銀淘寶卡
呢張中銀淘寶卡，係市面上極少數外幣簽賬無手續費嘅Mastercard！可以淨賺信用卡積分，相等於0.4%回贈！如果去歐美國家旅行又唔想計簽賬額上下限，用呢張卡就夠晒簡單！詳情可以參考中銀淘寶卡攻略。
中銀淘寶World萬事達卡：立即申請
滙豐Debit Card卡
呢張滙豐Debit Card，只要有滙豐戶口就開得！仲要亦支援成12種貨幣，只要你銀行戶口入面有相應外幣佢就會識自動扣，就算無嘅話都會自動轉用港紙結算，無任何外幣手續費！呢張卡基本回贈係0.4%，如果係學生嘅話不妨可以考慮用呢張卡。詳情可以參考滙豐Debit Card攻略。
唔想錯過信用卡回贈優惠？即刻Follow我哋FB Page同IG！最緊要加入埋WhatsApp Channel！仲可以訂閱電子報呀！
本網站所載資料只供參考，有關產品詳情請以金融機構所提供的資訊及/或有關連結內的內容為準。